Nostalgia*

Ginsulat ni J

Siguro ulihi na gid man ang tanan parte sa aton. Siguro indi na gid man mabalik ang kasadya, ang yuhum kag ang pagpalangga. Siguro asta na gid man lang kita didto.

Pero ambot ah kay ga-asa pa ko. Wala ko ya gyapon gauntat sa pagpalangga sa imo.

Dumduman mo pa sang mga ti-on nga gaaway ta? Ako, huo. Dumduman ko gid kung paano mo ko ulo-ulohan para mag-ayuhay ta. Wala man gid ko gapakita nga akig ko pero bal-an mo gid nga indi ko okay amo na nanami-an ko sa imo.

Dumduman mo pa sang naglayu-ay ta tungod summer break? Grabe gid to worries ko nga wala na ko balikan. Kapila ko magbalik sa inyo kay basi makita ta lang ka. Maayo lang kay may balikan pa gid man ko gale kag nalipay gid ko.

Dumduman mo pa ang tanan nga Miyerkules nga upod ta? Wala ka lang kabalo nga tanan nga Miyerkules nga to gapa-city ko bisan wala ko to ubrahon para makaupod lang ta puli.

Dumduman mo pa ang tanan nga 15 minutes nalang? Bisan ga-extend permi ang hulat ko sa imo, basta gaabot ka lang.

Dumduman mo ang pista sa inyo? Salamat. Indi ko to malipatan.

Dumduman mo sang ginhagad mo ko lagaw? Nag-absent ko sa klase ko para kakadto. Nalipay ko nga gin-hug mo ko pero ayawan ko kahulat sang text mo after kung malakat na ta, pero wala ka nagtext.

Dumduman mo pagchange relationship status mo sa iban? Daw gin-ipit ko sang langit kag sang duta.

Dumduman mo pagpamangkot ko sa imo kung palangga mo pa ko? Hambal mo 60% NO just before sang exam to namun kag wala na ko nakibot nga wala ko kapasar.

Dumduman mo sang gusto ta ka istoryahon parte sa inaway ta? Naghulat ko sa imo apat ka orasย  bisan wala mo ko ginsipot.

Dumduman mo sang ginhambal ko nga break nalang ta? Nalipay ko nga hambal mo indi ka ya.

Dumduman mo sang ginpamangkot ta ka kung gusto mo break nalang ta? Nasakitan ko paghambal mo nga huo.

Dumduman mo paghambal mo nga palangga mo pa ko? Ginhambal ko nga palangga ta man ka pero wala ko kabalo kung kabati ka kay hubog ka.

Dumduman mo sang paghambal ko sa imo nga palangga ta pa ka? Wala ko kadumdum sang ginhambal mo ukon sang reaksyon mo kay hubog ako.

Dumduman mo sang hambal mo ako ang pinakanami mo nga karelasyon? Gusto ko i-suggest na mabalikay ta pero indi ko maubra.

Dumduman mo sang hambal mo sa future lang ta ya? Ka-tatlo mo na ginhambal sakon pero ambot kung dumduman mo pa gid mana kay gusto tagid man ikaw makita sa future ko.

Dumduman mo sang hambal ko nga kung pwede pa ta ka balikay? Sorry wala ko kadumdum nga ginhambal ko na. Wala ko guts.

Dumduman mo pa ko? Ako dumduman ta ka permi.

*Para kay J

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s